Kandidati i pavarur për Komunën e Strugës, Mendi Qyra, vazhdoi takimet me qytetarë duke shpalosu projektet e tij për komunën, për të cilat edhe kërkon besimin e votuesve. Krahas projekteve infrastrukturore, si rrugë të reja, parkim nëntokësor në qytet dhe projekte për turizmin, tha se do të angazhohet edhe për pjesën e kulturës, duke sjellë festival të ri “Vera e Strugës”. Qyra, i cili ka marrë mbështetje të koalicionit VLEN, para qytetarëve u shpreh se ka marrëveshje me popullin për kandidaturën e tij, andaj u bëri ftesë të gjitha partive që ta përkrahin.
“Kemi projekte të rëndësishme. Një rrugë Moroishtë-Stugë, ndërrimin e tubave të asbestit, mandej kemi parkingjet nëntokësore në qendër të qytetit dhe në plazhin e qytetit. Kemi një port që do të bëjë lidhjen me Pogradecin dhe një fshat turistik, mundësisht edhe 2, që do të jenë projekte pak më afatgjate”, tha Mendi Qyra
