Gjatë nëntorit në rajonin e Ferizajt—që përfshin komunat Ferizaj, Kaçanik, Shtime, Shtërpcë dhe Hani i Elezit—janë raportuar gjithsej 141 aksidente trafiku. Nga këto, 59 aksidente kanë rezultuar me persona të lënduar, ku janë regjistruar 83 të lënduar, ndërsa 82 aksidente kanë përfunduar me dëme materiale.
Në krahasim me periudhën e njëjtë të vitit 2024, kur ishin raportuar gjithsej 153 aksidente, prej tyre 1 me fatalitet me 1 person të vdekur, 60 aksidente me lëndime me 92 persona të lënduar, dhe 92 aksidente me dëme materiale, rezulton se numri i përgjithshëm i aksidenteve këtë vit ka shënuar një zbritje prej -7,80%.
Përveç aksidenteve, Policia Rajonale e Ferizajt ka intensifikuar aktivitetet në terren. Gjatë nëntorit 2025, policia ka shqiptuar 6.340 gjoba për kundërvajtje të ndryshme në komunikacion, si dhe ka vendosur 140 masa mbrojtëse të heqjes së patentë-shoferit ndaj shoferëve që kanë kryer shkelje të rënda. Këto të dhëna paraqesin një rritje prej +25.2% të numrit të gjobave në krahasim me nëntorin e vitit 2024, kur ishin shqiptuar gjithsej 5.063 gjoba.
Policia Rajonale e Ferizajt ka bërë të ditur se do të vazhdojë me angazhime të shtuara, kontrolle të intensifikuara dhe aktivitete parandaluese, me qëllim rritjen e sigurisë në komunikacion dhe uljen e numrit të aksidenteve në rrugët e rajonit.
Burimi: botasot.info
