Është mbyllur afati për dorëzimin e kandidaturave për kryetar dhe këshilltar komunal. Deri te komisionet komunale zgjedhore janë dorëzuar gjithsej 312 lista të kandidatëve për kryetar të Komunave dhe 575 lista të kandidatëve për këshilltarë komunal. Numri më i madh i kandidatëve për kryetarë dhe këshilltarë komunal është për Qytetin e Shkupit, përkatësisht gjithsej 18 lista të kandidatëve për të parin e Qytetit të Shkupit dhe 20 lista të kandidatëve për anëtarë të Këshillit. Pas përfundimit të kontrollit, komisionet komunale zgjedhore i dorëzojnë listat e konfirmuara në Komisionin Shtetëror të Zgjedhjeve për përcaktimin e renditjes. Deri më 27 shtator, partitë politike që marrin pjesë në zgjedhje do të duhet të nënshkruajnë Kodin për Zgjedhje të Drejta dhe Demokratike.