Mbreti Charles III i Britanisë së Madhe përmes një video-mesazhi ka njoftuar për trajtimin w betejës së tij me kancerin, duke e përshkruar procesin e tij të shërimit si “një bekim personal”, duke lavdëruar gjithashtu “përparimet e jashtëzakonshme që janë bërë në trajtimin e kancerit vitet e fundit”.
“Sot jam në gjendje të ndaj me ju lajmin e mirë se falë diagnostikimit të hershëm, ndërhyrjes efektive dhe ndjekjes së ‘urdhrave të mjekut’, programi im i trajtimit ndaj kancerit mund të reduktohet në vitin e ri,” tha monarku britanik në një video të regjistruar paraprakisht për transmetimin Stand Up To Cancer në Channel 4, që bashkëpunon çdo vit me organizatën bamirëse Cancer Research UK.
Charles njoftoi në shkurt 2024 se i ishte diagnostikuar kancer pas një procedure në prostatë.
Edhe pse trajtimi i tij nuk ka përfunduar, një zëdhënës i Mbretit i tha CNN se “Madhëria e Tij ka reaguar jashtëzakonisht mirë ndaj trajtimit dhe mjekët e tij këshillojnë që hapat e ardhshëm do të kalojnë në një fazë parandaluese.”
Zëdhënësi shtoi se “kjo situatë do të monitorohet dhe rishikohet vazhdimisht për të mbrojtur dhe prioritetizuar shërimin e tij të vazhdueshëm.”
Burimi: botasot.info
