Sa më shumë rritet shkalla e varfërisë në një shoqëri të caktuar, aq më shumë shtohen rastet e dhunës famijare dhe në përgjithësi në shoqëri. Një dukuri e tillë, tanimë disa vite me radhe po manifestohet në qytetin e Kumanovës, por edhe më gjerë.
Një rast i tillë, jo i zakontë, ditë më parë ka ndodhur në Kumanovë, kur mbesa 13 vjeçe e ka sulmuar me sende të mprehta gjyshen e sajë, duke i shkaktuar lëndime të rënda, transmeton portali “Kumanova Sot”, njoftimin e Sektorit per Punë të Brendshme (SPB) Kumanovë.
Gruaja 72 vjeçe, këtë rast e ka paraqitur në Policinë e Kumanovës (Sektorin për Punë të Brendshme –SPB), ndërsa organi kompetent me këtë rast ka njoftuar se “me datën 18.07.2026 në ora 21:30, një grua e shtyer në moshë nga Kumanova, ka denoncuar se ka qenë e sulmuar fizikisht në shtëpinë e saj nga mbesa 13-vjeçe”.
Sipas paraqitjes së gjyshes 72-vjece, mbesa e ka sulmuar me sende të mprehta, por “edhe anëtarët tjerë të familjes”.
Policia e Kumanovës, nga ana tjetër, ka bërë të ditur se është duke i ndërmarrë të gjitha masat e nevojshme ligjore për ndricimin e sa më shpejtë të rastit, kurse pas dokumentimit të plotë, do t’i dorëzohet gjyqit për procesuim të mëtejshëm.
Portali “KumanovaSot”
Burimi: lajmpress.org
