Demonstrata nga të rinjtë që kundërshtojnë qeverinë janë kthyer në përplasje me forcat e sigurisë në disa qytete të Marokut.
Të rinjtë protestojnë kundër papunësisë së lartë, kushtet e vështira ekonomike dhe për të kërkuar reforma.
Disa prej demonstratave filluan në rrugë paqësore, por më vonë u ndezën tensione dhe u shënuan përleshje me policinë, raporton ap.
Forcat e sigurisë përdorën gaz lotsjellës për të shpërndarë turmat dhe ndaluan disa protestues. Sipas dëshmive, në disa zona ka pasur dëme materiale dhe përleshje intensive.
Qeveria ka reaguar duke bërë thirrje për qetësi dhe duke paralajmëruar masa për kontrollin e situatës.
Zyrtarët janë angazhuar që të adresojnë pakënaqësitë sociale dhe ekonomike që po nxisin protestat.
Në Rabat, protestuesit marshuan drejt ndërtesave qeveritare, duke kërkuar dialog dhe ndryshime.
Në qytete të tjera, si Casablanca dhe Fes, përleshjet u bënë më të ashpra, ndërsa rrugët u bllokuan dhe trafiku u ndërpre në disa zona.
Organizatat e shoqërisë civile dhe grupet rinore kanë bërë thirrje për reforma të thella dhe transparencë në qeverisje.
Ata paralajmërojnë se protesta mund të zgjasë nëse nuk vihen në lëvizje masa reale që përmirësojnë jetesën.
Burimi: botasot.info
