Margot Robbie mahniti publikun me një fustan transparent përrallor, teksa iu bashkua kolegut të saj të filmit, Colin Farrell, për premierën e projektit të tyre të ri të enjten.
Aktorja u fotografua në Londër, në shfaqjen e filmit A Big Bold Beautiful Journey, i cili do të dalë më 19 shtator.
Margot, 35 vjeçe, dukej marramendëse teksa u shfaq me një fustan transparent, të dizajnuar nga koleksioni couture pranverë/verë 2025 i Armani Privé, i punuar me kristale dhe sekuina.
Fustani i gjatë deri në fund të këmbëve kishte edhe shpinën e hapur, duke vënë në pah linjat e saj të përsosura.
Ajo pozoi gjithashtu me aktorin irlandez Colin, 49 vjeç, i cili kishte zgjedhur një pamje tipike londineze me një pallto të gjatë mbi kostumin dhe kravatën e zezë.
Kthimi i Margot, yllit të Barbie, në skenën e dritave dhe aktrimit vjen më pak se një vit pasi ajo mori një pauzë nga karriera dhe solli në jetë djalin e saj.
Burimi: botasot.info
