Analisti Lavdrim Lita komentoi zhvillimet e fundit politike dhe protestat e opozitës, duke theksuar pluralitetin e forcave opozitare dhe nevojën për koordinim më të madh dhe mbështetje ndërkombëtare.

“Ka disa opozita. Opozitat janë plurale tashmë. Sot ne patëm një protestë të partisë “Mundësia” dhe të disa aktivistëve të shoqërisë civile, që protestuan në ambientet jashtë Kuvendit, pro drejtësisë dhe kundër qeverisë.

Ishte një lajm shumë i mirë sot që eksponentë të partisë “Shqipëria Bëhet” të zotit Lapaj, iu bashkuan protestës tjetër në shenjë solidariteti.

Ishte një gjë për tu vlerësuar dhe për tu duartrokitur. Ata kanë arritur të sinkronizohen që kjo qeveri duhet mbajtur nën presion që të mbaj përgjegjësi për këto afera që po përndiqen nga SPAKU.

Mendoj që protesta e nesërme dhe protesta e ditës së hënë po bën diçka. A mjafton? Mendoj që nuk mjafton sepse duhet dhe një përkrahje ndërkombëtare, por kjo do një aftësi më të madhe lidershipi të opozitës”, u shpreh Lita.

Burimi: botasot.info