Lindsay Lohan tërhoqi vëmendjen me një fustan tërheqës rozë teksa iu bashkua bashkë-yllit të saj Jamie Lee Curtis në premierën botërore të Freakier Friday në Meksikë, të enjten.
Aktorja 39-vjeçare, e cila ka rikthyer rolin e saj në vazhdimin e filmit të vitit 2003 Freaky Friday, dukej mahnitëse teksa zgjodhi një pamje tërësisht glamuroze për këtë dalje.
Fustani i saj kishte një dizajn mëndafshi me pala që zbresin në qendër dhe që zgjatet në fund në një formë si bisht peshku.
Për të kompletuar pamjen e saj plot shkëlqim, Lindsay e aksesorizoi me një gjerdan ari që lidhej me fustanin, ndërsa flokët biondë i kishte kapur në një model elegant të ngritur lart.
Ndërkohë Jamie, 66 vjeçe, kishte një paraqitje elegante por të guximshme teksa doli me një fund laps ngjyrë portokalli me shkëlqim.
Ajo e kombinoi fundin me një këmishë mëndafshi në të njëjtën ngjyrë portokalli dhe kishte veshur një palë taka të ulëta, ngjyrë nude, me thembër katrore.
Filmi shumë i pritur – i cili është një vazhdim i filmit të vitit 2003 – i rikthen Lindsay dhe Jamie Lee Curtis në një kaos katërfish, teksa ato shkëmbejnë trupat sërish – 22 vjet pasi ndërruan vendet për herë të parë.
Lindsay iu bashkua Jamie-t në skenë për të folur me një turmë fansash të entuziazmuar gjatë festimeve për filmin.
Është e vështirë të besohet se kanë kaluar 22 vjet që kur Lindsay dhe Jamie portretizuan Anna dhe Tess Coleman në ribërjen e vlerësuar nga kritika të Freaky Friday, me regji të Mark Waters, i cili grumbulloi 160.8 milionë dollarë në arkën botërore.
Burimi: botasot.info
