Pas rezultatit në Kërçovë, Fatmir Limani tha se mbetet garanti se asnjë arritje kombëtare nuk do të cenohet, por siç tha, që nesër do të fillojnë punët për realizimin e projekteve të reja.

Limani tha se, ndonëse i kishte kërkuar kundërkandidatit të tij, Fatmir Deharit që në Kërçovë të ketë vetëm një kandidat e të cilin e akuzoi për përçarje të votës shqiptare, që sipas tij, do të kishte fitore që në raundin e parë të zgjedhjeve.

“Ju garantoj se asnjë prej arritjeve tona kombëtare në komunën e Kërçovës nuk do cënohet:

– as gjuha,

– as flamuri,

– as punësimet,

– as mirëkuptimi ndëretnik.

Nuk ka asnjë shans që të ketë revansh ndëretnik. Unë jam garanti se nuk do të ndodhë kjo. Mund të zgjidhja të tërhiqesha të mos merresha me këtë komunë, pas zhgënjimit, por sot jam më i motivuar se kurrë për t’i shërbyer vendlindjes sime.

Unë ju garantoj se projektet që jam zotuar, spitali, më shumë punë për kompanitë e Kërçovës, qytetarët tanë të rinjtë më së shumti, do mundësohen në Kërçovë.

Fundi i një regjimi nuk do të jetë dramatik për qytetarët. Jemi në shekullin e 21-të. Na duhet mirëkuptim mes vedi. Mirëkuptim me fqinjin e etnisë tjetër. Na duhet zhvillim dhe jo zhelet e një epoke të tejkaluar tashmë.

Prej nesër fillojmë me realizimin e projekteve dhe punësimeve që kemi premtuar, për të mbajtur rininë afër familjeve të tyre”, ka shkruar Limani.