Leonardo DiCaprio i bëri një dedikim kolegut të tij Robert Redford, i cili ndërroi jetë dje në moshën 89 vjeçare.
Gjatë jetës së tij, Redford themeloi organizatën joqeveritare “Sundance Institute” dhe përmes aktiviteteve të tij iu përkushtua qëllimeve mjedisore.
Në një postim në Instagram, DiCaprio tha: “Ai ishte një aktor i shkëlqyer, aktivist, ambientalist i apasionuar dhe kampion i arteve”.
“Angazhimi i tij për të mbrojtur planetin tonë dhe për të nxitur ndryshimin u shoqërua me një talent të jashtëzakonshëm. Ndikimi i tij do të mbetet për të gjitha brezat që do të vijnë”.
DiCaprio ka folur gjithashtu për Redford në premierën e filmit “One Battle After Another”.
“Ai ishte një udhëheqës besnik mjedisor dhe anëtar i Këshillit për Mbrojtjen e Burimeve Natyrore si unë, dhe luftoi për të drejtat e njerëzve. Sot humbëm një legjendë të madhe“, theksoi tutje.
Përveç kësaj, në vitin 2005, Redford dhe djali i tij James themeluan “Qendrën Redford”, një organizatë joqeveritare e fokusuar në prodhimin e filmave dhe ofrimin e mbështetjes për autorët që drejtojnë filma rreth ndryshimeve klimatike dhe mjedisit.
Burimi: botasot.info
