Lumir Abdixhiku do të jetë kandidat për kryeministër nga Lidhja Demokratike e Kosovës. Kreu i LDK-së ka lënë të hapur edhe mundësinë e përfshirjes së Nismës Socialdemokrate të Fatmir Limajt në listën e kandidatëve.
Opinionisti Albert Ramadani, në një prononcim për “Bota Sot”, ka diskutuar mbi mundësitë e koalicioneve të partive politike para zgjedhjeve të 28 dhjetorit.
Ai ka përmendur mundësinë e një koalicioni ndërmjet Lidhjes Demokratike të Kosovës dhe Nismës Socialdemokrate.
Sipas tij, në Malishevë, koalicioni LDK–Nisma mund të mos pritet mirë nga elektorati, duke rrezikuar kalimin e votuesve te PDK ose VV, përveç atyre që kanë familjarë kandidat për deputet.
“Po Lumir Abdixhiku tani veç është i nominuar nga LDK-ja për Kryeministër.
Por edhe një koalicion parazgjedhor i LDK-së me Nismën e Fatmir Limajt për zgjedhjet e 28 dhjetorit.
Por gjitha partitë kanë fillu t’i grumbullojnë elektoratin përmes partive të vogla aktualisht në kuvend dhe partive jashtë kuvendit, përjashto këtu PSD-në që nuk ka dhënë sinjale për ndonjë bashkëpunim të koalicionit parazgjedhor, por nuk dihet që PSD a do të marrë pjesë në zgjedhjet parlamentare më 28 dhjetor 2025.
Po unë për koalicionin parazgjedhor në mes LDK dhe Nismës në Malishevë nuk e di, ndoshta dega e LDK-së në Malishevë e mbështet, por sa e mbështet elektorati i LDK-së duke i ditur problemet të cilat kanë ekzistuar në komunën e Malishevës.
Rreziku i madh është që ai elektorat që ka LDK në Malishevë mundet të ikë tek PDK-ja dhe VV-ja.
Elektorati i LDK-së në komunën e Malishevës që nuk do të largohet janë ata votues që kanë të afërmit si kandidatë për deputet, se ndryshe do të ketë ndikim koalicioni parazgjedhor sidomos në komunën e Malishevës”, ka thënë Ramadani.
Gjithashtu, Ramadani ka theksuar se koalicioni LDK–Nisma ka qëllime të ndara.
Ai ka parashikuar se pas zgjedhjeve, partitë mund të ndryshojnë agjendat dhe interesat politike.
“Agjenda e LDK-së apo qëllimi i koalicionit parazgjedhor dhe agjenda dhe qëllimi i Nismës.
Të dy partitë për bashku forcat në garë kanë si qëllim vetëm që LDK të rritë përqindjen dhe numrin e votuesve dhe Nisma si qëllim me hy në kuvend përmes koalicionit parazgjedhor.
Lumir Abdixhikut i duhet që të ketë rritje si numër votuesish e të shtojë përqindjen e LDK-së si arritje dhe dëshmi si lider i ndryshimit në LDK, dhe Nisma qëllimin kryesor ta ketë pjesëmarrjen në kuvend me 2 a 3 deputetë.
Ky koalicion ka vlerë deri në certifikim, deri sa ulen në kuvend, edhe mandej në kuvend ndryshojnë agjendat dhe interesat politike pas zgjedhjeve, e sidomos interesat tani krejt janë partiake dhe të mbështetësve të liderit si ide e liderit në veprime pas zgjedhjeve se si do të pozicionohen”, ka përfunduar Ramandani.
Burimi: botasot.info
