Raporti paraprak mbi shkakun e rrëzimit të avionit Air India ka dhënë disa përgjigje, por jo një përfundim konkret.
Në një tjetër audio të bërë publike mes dy piloteve, vetëm pak çaste para se avioni të përplasej, është regjistruar një diskutim mbi arsyen se pse motorëve u ishte ndërprerë furnizimi me karburant në një fazë kritike.
Njëri nga pilotët e ka pyetur tjetrin disa herë se pse i fikët, ndërsa tjetri i është përgjigjur se nuk e kishte bërë këtë, raportojnë mediat e huaja.
Pilotët u përpoqën shpejt të rimerrnin kontrollin, por sipas raportit, Motori 1 filloi të ndizet përsëri, por Motori 2 nuk arriti të rifitonte shtytjen.
Megjithatë, nga rezultatet e mëvonshme, u konstatua se gjendja e avionit dhe e motorëve ishte brenda normave të lejuara për të kryer fluturimin.
Skedarët audio, sipas burimeve, janë në duart e autoriteteve indiane.
Raporti nuk ka përcaktuar ende nëse mbyllja e çelësit të karburantit ishte mekanike apo aksidentale.
Nga ana tjetër, burimet ngrenë pikëpyetje mbi audion e regjistruar në kabinën e pilotëve, ku thuhet se njëri prej tyre mund të ketë parë diçka të dyshimtë.
Avioni Air India me destinacion në Londër u rrëzua vetëm pak minuta pasi nisi fluturimin, duke shkaktuar 290 viktima.
Burimi: botasot.info
