Kryeministri Albin Kurti ka premtuar investime të mëdha në Kodrën e Trimave, duke theksuar se lagjja ka pasur gjithmonë vullnet, por i ka munguar drejtësia urbane dhe planifikimi komunal.
Ai tha se me Hajrulla Çekun si kryetar, lagjja do të shndërrohet në model zhvillimi përmes ndërtimit të lartë, çerdheve të reja, zgjidhjes së pronave, furnizimit të qëndrueshëm me ujë, infrastrukturës moderne dhe hapësirave gjelbëruese.
Postimi i plotë:
Në Kodrën e Trimave nuk ka munguar asnjëherë vullneti i banorëve; ka munguar drejtësia urbane, planifikimi komunal që respekton pronën, njeriun dhe dinjitetin, investimet kapitale të merituara për një lagje që ka kontribuar shumë më shumë sesa që ka marrë.
Me Hajrulla Çekun kryetar, Kodra e Trimave do të jetë krenari për të kaluarën dhe model për të ardhmen sepse do të sigurojmë:
🔹Transformim të tërësishëm të lagjes përmes ndërtimit të lartë;
🔹Çerdhe të reja publike;
🔹Zgjidhje të plotë, të drejtë dhe transparente të çështjes së pronave;
🔹Zgjidhje përfundimtare për furnizimin e pandërprerë me ujë të pijes;
🔹Rrugë të sigurta me ndriçim publik, trotuare të reja, kufizim shpejtësie dhe kalime për këmbësorë;
🔹Parqe, kënde lojërash dhe hapësira gjelbëruese;
🔹Menaxhimi efikas i mbeturinave dhe mirëmbajtje e pastërtisë;
🔹Rehabilitim të sistemit të kanalizimit fekal dhe atmosferik.
Burimi: botasot.info
