Kurti nga Hajvalia: Siguria e begatia, jetesë dinjitoze për qytetarët

Kandidati i Vetëvendosjes për kryeministër, Albin Kurti e përmbylli ditën e djeshme në një tubim në Hajvali.

Në prani të banorëve, mbështetësve, miqve e aktivistëve, ai e theksoi edhe një herë se siguria dhe begatia nuk kufizohen vetëm te sundimi i ligjit dhe zhvillimi ekonomik, por përfshijnë edhe një sistem modern energjetik, furnizim të qëndrueshëm me ujë të pijes dhe infrastrukturë rrugore dinjitoze.

Kurti tha se prioritet e qeverisjes së ti mbeten kujdesi për nënat dhe fëmijët, forcimi i ushtrisë, zhvillimi i veriut dhe bujqësisë, si dhe investimet në infrastrukturë, por edhe ndërlidhja e vendit e qytetarëve përmes urave të reja.