Kryeministri Albin Kurti, gjatë një takimi sot me Anton Hofreiter, kryetar i Komisionit për Çështjet e BE-së në Bundestag, ka kërkuar mbështetjen e Gjermanisë për statusin e merituar shtet kandidat për anëtarësim në Bashkimin Evropian.
Ai ka thënë se Kosova ka shënuar përparim të rëndësishëm në demokraci, sundimin e ligjit, siguri dhe ekonomi, raporton KosovaPress.
Kurti ka falënderuar Hofreiter për vizitën dhe shprehu gatishmërinë për vazhdimin dhe thellimin e mëtejmë të bashkëpunimit të ndërsjellë me Bundestagun gjerman.
Kosova ka aplikuar zyrtarisht për anëtarësim më 15 dhjetor 2022, gjatë Presidencës Çeke të Këshillit të BE-së. Aplikimi nuk ka kaluar ende as në hapin e parë procedural nga Këshilli i BE-së për t’i kërkuar Komisionit Evropian opinionin zyrtar.
Kosova mbetet vendi i vetëm në Ballkanin Perëndimor që nuk e ka marrë ende statusin e vendit kandidat.
Burimi: botasot.info
