Deputetja e Partisë Demokratike, Jozefina Topalli iu drejtua kryetarit të Kuvendit, Niko Peleshi që të përjashtojë nga seanca kreun e Grupit Parlamentar të PS-së, Taulant Balla pas tensioneve në Kuvend.

Ajo e cilësoi si një provokim kërkesën e Ballës për të mbajtur 1 minutë heshtje për 35 vjetorn e masakrës së 2 prillit 1991 në Shkodër, ndërsa përmendi edhe sulmet e tij ngdaj grave të opozitës në Kuvend.

“Ju lutem zoti kryetar, kapeni prej zhelesh e nxirreni jashtë”, përfundoi Topalli.

“Ju keni të gjitha pushtetet, jo vetëm keni të gjithë institucionet, drejtësinë, paratë… Është e mira që të mbash rregull në këtë nëse mund të quhet parlament, që të shohësh të gjitha nenet e rregullores. Nuk është normale dhe nuk ka ndodhur kurrë që një nënë e dy fëmijëve të fyhen me një fjalor aq vulgar që as në shpellat e mafias nuk përdoren se edhe ata kanë një kod.

Nuk është normale që një nënë tjetër e re me dy fëmijë të vegjël të kërcënohet gjatë seancës plenare dhe t’i thuhet se do të të tregoj unë ty nuk ka ndodhu kurrë që deputeti të provokojë mbi dhimbjen e 4 dëshmorëve, të provokosh dhimbjen e 4 familjeve, të një qyteti e gjaku që është vendosur në bazën e një sistemi.

Kur një burrë provokon mbi të vdekurin dhe merret me gratë, merre zoti kryetar kape prej zhelesh e nxirre jashtë.”, u shpreh ajo.

Burimi: botasot.info