Inciativa Lidhja e Prishtinës dje ka bërë hapjen zyrtare të fushatës zgjedhore, ku bartës i listës është Fehmi Kupina.
Ai ka thënë se Prishtina e së nesërmes fillon me Lidhjen e Prishtinës.
Kupina ka shtuar se kjo iniciative e ka listën më të mirë për Kuvend Komunal të Prishtinës.
“Mbrëmë e pamë qartë: kur qytetarët bashkohen, asgjë nuk është e paarritshme. Mbrëmë filluam të ndërtojmë bashkë një Prishtinë që të gjithë e duam. Një rrugëtim që shkon përtej fushatës, një rrugëtim që frymon shpresë për Prishtinën.
Një nismë e madhe e një lëvizjeje qytetare që nuk ndalet. Në këtë mbrëmje madhështore hapëm zyrtarisht fushatën e Lidhjes së Prishtinës. Në një atmosferë të jashtëzakonshme me qytetarë të çdo moshe, familje, të rinj e të moshuar, të gjithë bashkë për një Prishtinë që e duam dhe që e meritojmë. Me ofertën më të mirë programore dhe listën më të mirë për Kuvend Komunal të Prishtinës, fitorja jonë është e sigurt.”
Burimi: botasot.info
