Gostivar, 11 janar – Deri në orën 15:00, dalja e votuesve në katër komunat ku po mbahen zgjedhjet e përsëritura për kryetar komune është 18,10 për qind, njoftoi Komisioni Shtetëror i Zgjedhjeve (KSHZ).

Sipas komunave, në Vrapçisht dalja në votim është 21,01 për qind. Deri në orën 15:00 aty kanë votuar 5.730 qytetarë nga gjithsej 27.279 të regjistruar në Listën Zgjedhore. Dalja në votim në Mavrovë dhe Rostushë është 18,60 për qind, ku kanë votuar 1.967 qytetarë nga gjithsej të 10.575 regjistruar.

Gostivari ka dalje në votim prej 17,72 për qind. Deri në orën 15:00 aty kanë votuar 14.673 nga gjithsej 82.870 votues. Dalja më e ulët vazhdon të jetë në Qendër Zhupë, respektivisht 10,99 për qind, ku kanë votuar 831 nga gjithsej 7.562 votues të regjistruar.