Kryetari i Komunës së Shtimes, Dr. Qemajl Aliu, së bashku me Drejtorin e Shërbimeve Publike, Halil Kurtishi, si dhe anëtarët e Komisionit Komunal për Vlerësimin e Dëmeve nga Fatkeqësitë Natyrore, priti në takim përfaqësuesit e Komisionit të nivelit qendror.
Gjatë këtij takimi u diskutua lidhur me dëmet e shkaktuara në territorin e Komunës së Shtimes si pasojë e reshjeve të fundit dhe shkallën e dëmeve e nevojën për trajtim institucional të rasteve të evidentuara.
Me këtë rast, Kryetari Aliu tha se, Komuna e Shtimes është e angazhuar për një proces të drejtë dhe gjithëpërfshirës të vlerësimit të dëmeve dhe se është thelbësore për të siguruar mbështetje reale dhe të barabartë për të gjithë qytetarët e prekur.
Në përfundim, u ritheksua se Komuna e Shtimes, në koordinim me institucionet përkatëse, do të ndërmarrë të gjitha veprimet e nevojshme për mbështetjen e qytetarëve të prekur dhe për përshpejtimin e procesit të vlerësimit të dëmeve.
Burimi: botasot.info
