Komuna e Butelit ka njoftuar se punimet për ndërtimin e murit mbajtës në rrugën 50 po zhvillohen me ritëm të shkëlqyer. Kryetari i komunës, Darko Kostovski, theksoi se ky projekt është pjesë e angazhimit të vazhdueshëm për realizimin e premtimeve dhe rritjen e sigurisë së qytetarëve.

Sipas Kostovskit, ndërhyrja ishte e domosdoshme për shkak të rrëshqitjeve të dheut dhe dëmtimit të rrugës, që krijonin rrezik për qarkullimin e banorëve të zonës. Ndërtimi i murit mbajtës do të stabilizojë terrenin dhe do të parandalojë dëmtimet e mëtejshme.

Nga komuna gjithashtu theksojnë se me këtë investim sigurohet mbrojtje shtesë për objektet përreth dhe rritet siguria nga mundësia e rrëshqitjes së tokës.

Punimet pritet të vazhdojnë sipas dinamikës së planifikuar derisa zona të jetë plotësisht e sigurt dhe funksionale.