Në zonën e sipërme të Radishanit është ndërtuar një qendër e re sportive-rekreative, njoftoi kryetari i Komunës së Butelit, Darko Kostovski.

Sipas njoftimit të Kostovskit, kompleksi i ri shtrihet në një sipërfaqe prej 2.500 metrash katrorë dhe përfshin disa hapësira dhe pajisje të reja sportive.

Qendra përmban një fushë të re futbolli me bar artificial, fushë basketbolli, tribuna dhe ulëse të reja, rrethojë të re metalike, si dhe ndriçim LED.

Në kuadër të projektit është bërë edhe rekonstruktimi dhe zgjerimi i këndit të lojërave për fëmijë, ndërsa është vendosur edhe pajisje e re urbane.

Kostovski thekson se investimi synon krijimin e mundësive për qytetarët që të merren rregullisht me sport dhe aktivitet fizik.

“Komuna e Butelit po ndryshon. Vetëqeverisja lokale investon dhe krijon mundësi për ushtrimin e rregullt të sportit për të gjithë qytetarët”, thuhet në njoftimin e kryetarit të Komunës së Butelit.