Kryetari i Komunës së Butelit dhe njëherësh kandidati i VMRO-DPMNE-së për mandatin e dytë, Darko Kostovski, ka bërë të ditur se 1.100 pensionistë të komunës kanë përfituar ndihmë financiare si pjesë e një mase të re komunale për mbështetje sociale.
“U japim dorën pensionistëve tanë! Ne dhamë ndihmë financiare për 1.100 pensionistë dhe do të vazhdojmë me përkushtim edhe në katër vitet e ardhshme për të përmirësuar standardin e jetesës së tyre,” thekson Kostovski.
Ai shtoi se për herë të parë është zbatuar një masë e tillë për ndarjen e ndihmës së njëhershme për kategoritë më të ndjeshme të pensionistëve, si pjesë e strategjisë afatgjatë për përmirësimin e kushteve të jetesës për qytetarët e Komunës së Butelit.
“Pensionistët tanë, si më të moshuarit dhe më të respektuarit mes nesh, meritojnë siguri dhe jetë dinjitoze. Ne bëjmë gjithçka që të ua lehtësojmë përditshmërinë,” deklaroi Kostovski, duke theksuar se kjo ndihmë është dëshmi e kujdesit të vazhdueshëm për qytetarët më të moshuar dhe një mesazh i qartë se ata nuk janë harruar.
Ky projekt, sipas Kostovskit, është vetëm një pjesë e planeve të Komunës për të vazhduar me politika sociale që përmirësojnë cilësinë e jetesës në Butel.
