Komuna e Butelit vazhdon me investimet infrastrukturore në terren. Kryetari i kësaj komune, Darko Kostovski ka njoftuar nisjen e ndërtimit të 40 shtigjeve këmbësore dhe hyrjeve qasëse drejt ndërtesave kolektive në lagjen Shkup Veri.
Sipas njoftimit, projekti përfshin rikonstruimin e hyrjeve të objekteve banesore në rrugët “Boro Menkov”, “Lazo Moskov”, “Goce Stojçevski” dhe “Kosturska”. Me këtë ndërhyrje pritet të zgjidhet edhe problemi i përmbytjeve në hyrjet e ndërtesave, një shqetësim i kahershëm i banorëve të zonës.
“Çdo ditë projekte të reja. Ofensiva ndërtimore po zhvillohet me dinamikë të fuqishme. Janë respektuar të gjitha afatet dhe premtimet ndaj qytetarëve”, ka theksuar Kostovski në reagimin e tij publik.
Sipas Kostovskit synimi tij është zhvillim i barabartë dhe i qëndrueshëm në të gjitha vendbanimet, me fokus të veçantë në përmirësimin e infrastrukturës bazë dhe kushteve për jetesë më cilësore për qytetarët.
