Kryetari i Komunës së Butelit, Darko Kostovski, ka njoftuar sot se komuna ka ndarë mjete financiare për mbështetjen e klubeve sportive që veprojnë në territorin e saj. Sipas tij, kjo mbështetje financiare është më e madhe se kurrë më parë dhe ka për qëllim zhvillimin e sportit dhe krijimin e kushteve më të mira për sportistët.

Kostovski ka theksuar se ndihma financiare pritet të ndihmojë klubet sportive dhe të stimulojë krijimin e kampionëve të rinj në nivel shtetëror, ballkanik, evropian dhe olimpik. Ai vlerësoi sportin si një faktor kyç për ndërtimin e një shoqërie më të shëndetshme dhe më cilësore, duke shtuar se sukseset sportive kontribuojnë drejtpërdrejt në forcimin e shtetit dhe identitetit kombëtar.

Sipas kryetarit Kostovski, Buteli renditet si një nga komunat më sportive në Maqedoninë e Veriut, si për nga sukseset sportive ashtu edhe për nga investimet në infrastrukturën sportive. Ai siguroi se Komuna e Butelit do të vazhdojë të jetë partner i fuqishëm i të gjithë sportistëve dhe klubeve sportive.

Në fund, Kostovski uroi klubet sportive për përkushtimin e tyre dhe u dëshiroi suksese në punën e mëtejshme.