Kryetari i Komunës së Butelit, Darko Kostovski, njoftoi se policia ka kapur në flagrancë dy persona teksa tentonin të prisnin e dëmtonin rrethojën e re të kopshtit për fëmijë, të sapondërtuar në lagjen Butel 1.
Kostovski shprehu indinjatë për këtë akt të papërgjegjshëm dhe falënderoi shefin e ri të stacionit policor të Butelit për reagimin e shpejtë dhe efikas.
Ai me këtë rast ka apeluar qytetarët të mbrojnë investimet e reja publike, duke theksuar se “Komuna e Butelit po ndryshon dhe këto investime duhet t’i ruajmë për fëmijët tanë”.
Policia po vazhdon hetimet për të zbardhur tërësisht rastin.
