Kryetari i Komunës së Butelit, Darko Kostovski, njëherësh kandidat i VMRO-DPMNE-së për mandatin e dytë, ka paralajmëruar një takim me qytetarët e kësaj komune që do të mbahet sot (10 shtator) në qendrën sportive në Radishan, në oborrin e shkollës fillore “Aco Shopov”, me fillim nga ora 18:00.

Në këtë ngjarje do të marrë pjesë edhe kandidati për kryetar të qytetit të Shkupit, Orce Gjeorgjievski.

“Gjatë këtij takimi pres idetë dhe propozimet tuaja, sepse vetëm së bashku mund të krijojmë vizionin e ri për Komunën e Butelit. Përpara, edhe më fuqishëm”, ka shkruar Kostovski në profilin e tij në facebook.

Ky takim shihet si pjesë e angazhimit të Kostovskit për të forcuar bashkëpunimin me qytetarët dhe për të prezantuar prioritetet e mandatit të dytë në Butel.