Kryetari aktual i komunës së Butelit dhe kandidati i VMRO-DPMNE-së për mandatin e dytë, Darko Kostovski, ka njoftuar një masë të re mbështetëse për familjet e reja – komuna do të ndajë 3000 denarë për çdo fëmijë të porsalindur në territorin e saj.
Kostovski thekson se kjo është hera e parë që Buteli ofron një përfitim të tillë, si pjesë e angazhimit për përmirësimin e kushteve të jetesës për të rinjtë dhe familjet e reja. Ai shtoi se krahas kësaj mbështetjeje, komuna vazhdon të investojë fuqishëm në infrastrukturën arsimore dhe sociale, me ndërtimin e çerdheve të reja në Butel 1 dhe Butel 2, ndërsa shumë shpejt do të fillojë ndërtimi i tre çerdheve të tjera në Radishan, Vizbeg dhe Butel 1.
“Vizioni ynë është i qartë – krijojmë kushte për zhvillim dhe të ardhme për çdo familje”, deklaroi Kostovski, duke theksuar se investimet për fëmijët dhe familjet janë prioritet kryesor në mandatin e tij të ardhshëm.
