Kostoja e ndërtimit të banesave, rritje me ritme të ngadalta

Kostoja e ndërtimit për banesa në Shqipëriu rrit me 1,4% në tremujorin e tretë të vitit 2025, pak më pak se 1,6% që ishte një vit më parë. Kjo tregon se çmimet po rriten, por me një ritëm më të ngadaltë.

Grupi që ndikoi më shumë në rritjen e kostove ishin pagat, të cilat u rritën me 6,6%. Pasuar nga shpenzimet për makineri, me rritje 2,4%, dhe transporti me 1,7%.

Nga ana tjetër, çmimet e materialeve ranë me 0,6%, për shkak të uljes së çmimeve të materialeve të ndërtimit, materialeve elektrike dhe komunikimit, si dhe materialeve hidro-sanitare dhe ventilimit.

Në krahasim me tremujorin e mëparshëm, kostot u rritën lehtë me 0,4 %. Shpenzimet për paga u rritën me 1,1%, transporti me 0,8%, makineritë me 0,5% dhe kosto të tjera me 0,1%, transmeton ATSH.

Shpenzimet për materiale ranë me 0,1%, të ndikuara kryesisht nga materialet e ndërtimit, /ndërsa materialet elektrike dhe ato hidro-sanitare u rritën pak.