Në paraqitjen debutuese në versionin britanik të SNL më 26 shtator, komediana britanike, Amelia Dimoldenberg, kritikoi ashpër Ed Sheeran për polemikat rreth Macklemore.
Në monologun e saj hapës, prezantuesja e serialit ‘Chicken Shop Date’ foli për udhëtimin drejt shfaqjes së skeçeve të vona të natës dhe njerëzit e famshëm që intervistoi.
Dimoldenberg tha se është jashtëzakonisht e privilegjuar që ka arritur në atë pozicion.
Më pas ajo përmendi Idris Elbën e Cherin dhe shtoi: “Dhe madje edhe kukullën me flokë të kuqe të famshme botërore me një dorë në prapanicë që i tregonte se çfarë të thoshte”.
Një foto e saj dhe Elmos u shfaq fillimisht në ekran, pas së cilës ajo tha: “Jo, ai tjetri”, dhe më pas u shfaq një foto me Ed Sheeran.
Sheeran ka qenë në qendër të vëmendjes javët e fundit pasi Macklemore njoftoi se ishte përjashtuar nga turneu i tij për shkak të komenteve pro-palestineze në një shfaqje të mëparshme.
Macklemore deklaroi se Robert Kraft, CEO i Kraft Group dhe pronar i Gillette Stadium, e telefonoi personalisht Sheeran për t’i thënë se nuk do të lejohej të performonte në stadium.
Sheeran më pas deklaroi se nuk do të hynte në një diskutim publik rreth luftës në Gaza dhe se largimi i Macklemore ishte vendim i organizatorit.
Burimi: botasot.info
