Misioni ushtarak i NATO-s në Kosovë, ka njoftuar se komandanti i tyre Enrico Barduani, e ka pritur në takim zyrtarin e lartë të Departamentit Amerikan të Shtetit për Çështje Evropiane dhe Euroaziatike, Brendan Hanrahan.
Ky i fundit në këtë takim u shoqërua nga e Ngarkuara me Punë në Ambasadën Amerikane, Anu Prattipati.
Në njofitmin e KFOR-it, thuhet se Barduani i dha Hanrahanit një përditësim për situatën e sigurisë në Kosovë dhe rajon.
“Gjeneralmajor Barduani dha një përditësim për situatën e sigurisë në Kosovë dhe në rajon dhe për përpjekjet e KFOR-it. Ai nënvizoi angazhimin e qëndrueshëm të KFOR-it për të kontribuar në sigurinë e qëndrueshme anembanë Kosovës. Ai përshëndeti gjithashtu kontributin e gjatë dhe të vazhdueshëm të SHBA në përpjekjet e KFOR-it dhe stabilitetin rajonal”, thuhet në njoftim.
Burimi: botasot.info
