Koci: E ka blloku Kuvendin, e Albin Kurtit po i bie në mend me shku në operë në Drenicë

June 30, 2025
1 minut lexim

Avokati Arianit Koci ka reaguar ashpër ndaj kryeministrit në detyrë Albin Kurti, pas pjesëmarrjes së këtij të fundit në operën “Syrigana” të artistit Petrit Halilaj, e cila u shfaq mbrëmë në Drenicë.

Në një reagim publik, Koci ka akuzuar Kurtin se po e shpërfill gjendjen politike dhe ekonomike të vendit, ndërkohë që, sipas tij, Kuvendi vazhdon të jetë i bllokuar.

“E ka blloku Kuvendin, e Albin Kurtit po i bie në mend me shku në Operë në Drenicë. Për më tepër, pas shfaqjes – erdhi edhe në ndejë! Turp!”, ka shkruar Koci.

Ai shtoi se Kosova ndodhet në një gjendje të jashtëzakonshme dhe se qytetarët po përballen me varfëri, ndërsa kryeministri merret me evente kulturore.

“Nuk i ke rendet me shku ndejave. Së paku jo ti – që e ke blloku shtetin. Më mirë puno. Ama puno për së mbari”, ka theksuar avokati.

Megjithatë, në fund të reagimit, Koci u shpreh krenar për Drenicën, duke e cilësuar si epiqendrën e kulturës evropiane për një natë.

Tutje theksoi mikpritjen që iu bë Kurtit në këtë zonë, pavarësisht bindjeve politike të banorëve.

“Drenica e ime – edhe pse nuk e voton – e priti z. Kurti me respekt, si çdo mysafir tjetër. Ky vend e ka zemrën e madhe!”, shkroi ai, duke përfunduar me një mesazh uniteti: “Sa jam drenicak, jam edhe llapjan, dukagjinas dhe banor i çdo pëllëmbe të tokës së Kosovës!”

Burimi: botasot.info

MARKETING

RENT A CAR

Lajmi i mëparshëm

Vlera e rezervave të arit të BSH arrin nivelin më të lartë historik, rritje me 34% krahasuar me një vit më parë

Të fundit nga

Finale dramatike, Belgjika kampione e Evropës

Kombëtarja e basketbollit Belgjika është kampione evropiane në konkurrencën e femrave. Belget e mposhtën me rezultatin 67:65 (18:19, 13:18, 18:15, 18:13) Spanjën në finalen e Kampionatit Evropian. Ekipi i basketbollit të Spanjës
sqmken
ShkoLartë