Një nënë u trondit kur gjeti në derën e apartamentit të saj në një resort të njohur britanik, Butlin’s një shënim të çuditshëm nga fqinjët, të cilët i kërkonin që të ulte zërin për shkak të zhurmës.
Anya Rowlands ishte në pushime me fëmijën e vogël dhe u habit nga tonet pasiv‑agresive të letrës, kështu që e ndau gjithë ngjarjen në TikTok duke kërkuar mendime nga ndjekësit.
Në videon që publikoi, ajo tregoi shënimin e shkruar me dorë dhe tha se nuk e priste një gjë të tillë, sidomos duke qenë se bëhej fjalë për një vend pushimi për familje me fëmijë të vegjël.
Në letrën që gjeti ngjitur me dyert e saj, fqinjët i shkruanin se kishin trokitur disa herë, por s’kishin gjetur kënd brenda dhe kërkonin që atë mbrëmje të ulte muzikën për shkak se aty kishte qenë shumë zhurmë gjatë natës dhe u kishte shqetësuar, duke i mbajtur zgjuar për orë të tëra.
Anya tha se në fakt nuk kishte ndezur muzikë të vërtetë, por kishte përdorur një pajisje me këngë për fëmijë dhe “zë të bardhë” që ndihmonte djalin e saj të flinte – zhurmë që ajo vetë e shihte si jo të fortë dhe nuk e dëgjonte mirë në dhomë.
Ajo shtoi se muri ishte shumë i hollë dhe se nuk e kishte dëgjuar zhurmën nga dhoma përballë, por për hir të fqinjëve do të ulte volumin dhe do ta mbyllte pajisjen.
Postimi i saj u bë viral dhe ndjekësit u ndanë në dy palë: disa mendonin se mesazhi ishte i tepruar, ndërsa të tjerë mbronin fqinjët që kërkonin qetësi pas orës 22:00.
Në fund Anya sqaroi se nuk kishte qenë muzikë e zakonshme, por tinguj të qetë për gjumë dhe nuk kuptonte që muret mund të ishin aq të hollë sa të dëgjohej jashtë dhomës.
Burimi: botasot.info
