Kim Kardashian ka ndarë rrëfime të veçanta mbi momentet më të rëndësishme të modës që e kanë formësuar gjatë karrierës së saj, duke treguar se si stili personal u shndërrua në një gur themeli për të ndërtuar markën e saj miliarda dollarëshe.
Në një intervistë të fundit, ylli i reality-show dhe sipërmarrësja e njohur tha se secila epokë e stilit të saj ka qenë një kapitull i rëndësishëm, që e ka ndihmuar të afirmohet si ikonë globale e modës dhe të vendosë themelet e Skims, markë që sot vlerësohet në miliarda.
Kim foli edhe për sfidat personale, duke përfshirë periudhën e vështirë të divorcit me Kanye West.
Ajo u shpreh se pas ndarjes iu desh kohë për të rikthyer vetëbesimin dhe për të rimarrë kontrollin e jetës së saj, si nënë dhe si grua e pavarur.
“Kam mësuar ta shoh stilin dhe punën time jo vetëm si modë, por si një mënyrë për të gjetur forcë dhe për të treguar se kush jam,” tha ajo.
Sot, Kardashian jo vetëm që është një nga figurat më të ndjekura në botë, por edhe një sipërmarrëse që ka arritur të ndërtojë një perandori të fuqishme biznesi.
Ajo mbetet frymëzim për miliona ndjekës, duke treguar se suksesi nuk është vetëm çështje mode, por edhe këmbënguljeje, vizioni dhe guximi për të rifilluar pas sfidave personale.
Burimi: botasot.info
