Kim Kardashian përdor ndjesinë e saj të modës për të mbledhur para për gratë që luftojnë për sigurinë e tyre, fëmijët dhe të ardhmen e tyre që të kenë akses në ndihmë ligjore falas.

Ylli i Hollywood-it zbuloi se do të nxjerrë në ankand veshjet e saj nga sezoni i parë i “All’s Fair”, ku Kardashian luan rolin e avokates, Allura Grant, e njohur për inteligjencën dhe aftësitë e saj në modë.

Kim postoi një sërë fotosh të saj në Intagram, të mërkurën, më 25 Mars, dhe shkroi: “Në All’s Fair , unë luaj rolin e një avokateje që sheh nga afër se si sistemi ligjor mund t’i fuqizojë gratë ose t’i lërë ato pas dore. Por në botën reale, ‘çmimi i drejtësisë’ është një pengesë që shumë gra thjesht nuk mund ta përballojnë.”

Ylli i “Keeping Up With The Kardashians” tha se do t’i nxjerrë rrobat në ankand të premten, më 27 mars.

“100% e shitjeve neto do të shkojnë direkt në Fondacionin e Ndihmës Ligjore të Los Anxhelosit (LAFLA) për të financuar shërbimet e tyre ligjore falas për gratë që luftojnë për sigurinë e tyre, fëmijët e tyre dhe të ardhmen e tyre”, shtoi ajo.

Veshjet elegante në shitje përfshijnë një fustan të bardhë të personalizuar me jakë të thellë nga Roberto Cavalli, një fustan të zi Mugler me një bust transparent, një fustan të verdhë Valentino pa rripa dhe një kostum gri me vija të holla nga Hugo Boss, së bashku me pamje të tjera elegante nga Dior dhe Dolce & Gabbana.

Themeluesja e SKIMS punoi ekskluzivisht me drejtoreshën krijuese dhe stilisten Soki Mak për të kuruar kostumet e personazheve të saj.

“E drejta për një avokat nuk duhet të varet nga bilanci i llogarisë suaj bankare. Për shumë gra, ndihma ligjore është e vetmja urë drejt një urdhri kufizues, një marrëveshjeje të drejtë kujdestarie ose shansit për të rindërtuar një jetë nga e para”, shtoi Kardashian.

“Mbështetja e të mbijetuarve do të thotë më shumë sesa thjesht t’i ndihmosh ata të largohen; do të thotë të sigurohesh që sistemi ynë i drejtësisë ta njohë realitetin e abuzimit. Ne po sigurohemi që ‘drejtësia për të gjithë’ në të vërtetë do të thotë që është për të gjithë”, deklaroi Kardashian.

Artikujt e garderobës do të jenë në ankand nga e premtja, 27 mars, në orën 9:00 të mëngjesit sipas orës PT deri të dielën, 29 mars, në mesnatë në @kardashiankloset. Kim gjithashtu i nxiti njerëzit të klikonin linkun në bion e saj në Instagram, për të mbështetur drejtpërdrejt LAFLA-n.

Duhet të rikujtojmë se Kim Kardashian është diplomuar vitin e shkuar në drejtësi dhe se i ati i saj Robert Kardashian ishte gjithashtu avokat i njohur.