KFF Luboten në Ligën e kampionëve europian në futboll për femra! Hava Mustafa shënoi katër gola!

Kampionia e Maqedonisë në futboll për femra, KFF Luboten nga Tetova, e udhëhequr nga trajnerja Egzona Jashari nga Shkupi, e cila posedon Licencën A, shkroi një faqe të artë në historinë e saj, duke fituar turneun kualifikues në Shkup me një fitore mbresëlënëse 4-0 ndaj Pyunikut armen.

Pas fitores së parë me rezultat 4-1 kundër Runavikut, ekipi nga Tetova shkëlqeu përsëri, ku yll kryesor i ndeshjes ishte Hava Mustafa, e cila shënoi të katër golat në ndeshje.

Mustafa hapi rezultatin në minutën e 39-të, dhe në pjesën e dytë vazhdoi në të njëjtën sekuencë: 2-0 në minutën e 55-të, dhe dy gola të tjerë në fund fare – në minutat e 89-të dhe 96-të, duke kompletuar kështu kryeveprën e saj dhe duke konfirmuar dominimin e Lubotenit.

Me këtë fitore, KFF Luboten siguroi një vend në fazën e dytë kualifikuese të Ligës së Kampionëve. Atje do të përballet me një sfidë edhe më të madhe – rivalja e tyre i parë do të jetë gjiganti suedez Rosengard, ndërsa turneu do të zhvillohet në Belgjikë.

Luboteni jo vetëm që ka vendosur standarde të reja në futbollin e femrave të Maqedonisë, por ka treguar gjithashtu se ka potencialin për të konkurruar me fuqitë evropiane. Tani po shkrueht një faqe e re në historinë evropiane për heroinat nga Tetova. (Open-TV)

#Egzona Jashari #Hava Mustafa #ZFK Ljuboten