Këshilltarët e VLEN-it në Qytetin e Shkupit kanë publikuar projektet që i kanë kaluar në Buxhetin e Qytetit për vitin 2026.
Në një njoftim publik në rrjetet sociale, këshilltarët e VLEN-it bëjnë me dije se ky buxhet përfaqëson investime të drejtpërdrejta në infrastrukturë, kulturë, arsim, mjedis dhe cilësi më të mirë jete për qytetarët e Shkupit.
Ja disa nga projektet kryesore dhe përfitimet që ato sjellin:
Rikonstruimi i rrugës “Cvetan Dimov”
PËRFITIMET: Përmirëson qarkullimin, rrit sigurinë në trafik dhe krijon kushte më të mira për këmbësorët dhe biçiklistët. Projektimi i rrugës Brigada e 2-të Maqedonase me lidhje në rrugën e plastikave (Bul. Nikola Karev) PËRFITIMET: Lidhje më e shpejtë ndërmjet lagjeve, ulje e kolonave dhe lehtësim i komunikacionit urban. Shpërthimi i rrugës “Xhon Kenedi” drejt Bul. Nikola Karev (te Ambasada e SHBA-së) PËRFITIMET: Rritje e aksesit rrugor, shkurtim i kohës së udhëtimit dhe shpërndarje më e mirë e trafikut. Rikthimi i festivalit “Tingujt e Çarshisë” PËRFITIMET: Ringjallje e kulturës shqiptare në Çarshinë e Vjetër dhe promovim i artistëve eminentë vendorë e ndërkombëtarë. Mbështetje për klubet sportive në nivel komunal PËRFITIMET: Investim tek të rinjtë, zhvillim të sportit bazë dhe krijim të kushteve për aktivitet fizik masiv. Sinjalizimi horizontal i rrugëve PËRFITIMET: Rritje e sigurisë në trafik, orientim më i lehtë për shoferët dhe ulje e aksidenteve. Rregullimi dhe mirëmbajtja e parqeve PËRFITIMET: Hapësira më të pastra, më të gjelbra dhe më funksionale për familjet dhe fëmijët. Rregullimi i rrugës në Matkë dhe parkingu i Matkës PËRFITIMET: Qasje më e sigurt dhe më e organizuar për vizitorët, turizëm më i zhvilluar lokal. Parku i Sarajit – rregullimi i parkut dhe parkingut PËRFITIMET: Hapësirë rekreative moderne dhe menaxhim më i mirë i qarkullimit për vizitorët. Rikonstruimi i Parkut të Çairit PËRFITIMET: Park urban më funksional me hapësira për pushim, rekreacion dhe aktivitete familjare. Butel (Vizbeg) dhe Shuto Orizarë – rregullim i infrastrukturës nëntokësore PËRFITIMET: Zgjidhje e problemeve me ujësjellësin, kanalizimin dhe rrjetin teknik për kushte më dinjitoze jete. Rikonstruimi i shkollave të mesme me pajisje dixhitale dhe efikase energjetikisht PËRFITIMET: Kushte moderne për nxënësit dhe mësimdhënie bashkëkohore. Parking i ri në rrugën e plastikave (Bul. Nikola Karev) PËRFITIMET: Reduktim i parkimit në trotuare dhe lehtësim i qarkullimit për banorët dhe bizneset. Pajisje urbane – kosha, stola dhe lojëra për fëmijë PËRFITIMET: Lagje më të rregulluara dhe hapësira më miqësore për komunitetin. Korsi për biçikleta në Çair dhe Butel, bashkë me BRT (linjën e verdhë – shpejtë) PËRFITIMET: Promovim i transportit ekologjik dhe kushte më të sigurta për biçiklistët. Shkupi – Qytet i Kulturës Evropiane 2028Rregullimi dhe sinjalizimi i Çarshisë së Vjetër
PËRFITIMET: Përgatitje për aktivitetet kulturore ndërkombëtare dhe promovim i trashëgimisë sonë. Projektimi i bulevardeve “Kroacia” dhe “Mali i Zi”, si dhe qarkorja në Malin Gazi Babë PËRFITIMET: Lidhje rrugore më funksionale dhe qasje më e shpejtë ndërmjet zonave urbane. Rikonstruimi i parkut të Gazi Babës PËRFITIMET: Hapësirë publike e rinovuar për rekreacion, sport dhe aktivitete familjare. Përmirësimi i transportit publik urban PËRFITIMET: Modernizimi i linjave të autobusëve, optimizimi i orareve dhe rritja e qasjes për lagjet periferike do të mundësojë lëvizje më të shpejtë, më të lirë dhe më ekologjike për qytetarët, duke ulur trafikun dhe ndotjen. Pajisje dhe infrastrukturë moderne për Njësitin e Zjarrfikësve PËRFITIMET: Investimi në automjete të reja, pajisje profesionale dhe kushte më të mira pune rrisin sigurinë publike dhe garantojnë reagim më të shpejtë në raste emergjente në gjithë territorin e qytetit.
Ky buxhet është investim në zhvillimin e qëndrueshëm të Shkupit dhe në mirëqenien e çdo qytetari.Burimi: alfax.mk
