Gjyqtarët dhe prokurorët publikë po rikthehen sërish me kërkesa për rritje pagash – këtë herë përmes Gjykatës Kushtetuese. Ata pretendojnë se ulja e të ardhurave të tyre cenon pavarësinë e gjyqësorit dhe paralajmërojnë se do të shfrytëzojnë çdo mundësi ligjore për rikthimin e koeficientëve të mëparshëm për llogaritjen e pagave.
Sipas informacioneve, në vitin 2023, pas rritjes së pagave të të gjithë funksionarëve për 78%, gjyqtarëve dhe prokurorëve, si dhe personave të tjerë të zgjedhur dhe të emëruar, u janë ulur koeficientët për përllogaritjen e pagës mesatarisht për 0.5 pikë. Në atë kohë, të vetmit që reaguan ishin gjyqtarët dhe prokurorët, duke këmbëngulur se të ardhurat e tyre nuk duhet të ulen.
Qeveria dhe kryeministri Mickoski janë të vendosur në qëndrimin se nuk do të ketë rritje shtesë të pagave të tyre, për shkak të vlerësimeve të dobëta dhe nivelit të ulët të besimit publik në gjyqësor, si dhe për shkak të pagave të larta që ata tashmë i gëzojnë.
Megjithatë, gjyqtarët dhe prokurorët janë të vendosur të vazhdojnë presionin e tyre. Me rikthimin e koeficientit më të lartë për të ardhurat personale, secili prej tyre do të përfitonte rreth 250 euro më shumë në muaj, ndërsa Gjykata Kushtetuese shihet si shpresa e tyre e fundit për realizimin e këtij qëllimi.
Burimi: alfax.mk
