Duket si një këngë verore kur e dëgjon për shkak të ritmit të bukur dhe pamjeve të klipit, por jo vetëm kaq — edhe mesazhi është shumë i ndjerë. Bëhet fjalë për projektin më të ri muzikor të këngëtares së njohur shkodrane, Mimoza Staka, e cila këtë herë vjen në duet me reperin e njohur shkodran, Legion.
Kënga titullohet “Shpirti i Nanës”, dhe mësojmë se ideja ka qenë e vetë artistes – një përjetim personal pas largimit të vajzës së saj nga Shqipëria drejt Irlandës së largët, bashkë me bashkëshortin e saj.
Tashmë kuptohet se kjo këngë do të prekë zemrat e të gjithë shqiptarëve, sidomos të nënave që përjetojnë mallin për fëmijët – vajzat që, pasi martohen, nisen për në kurbet në kërkim të një jete më të mirë, duke u larguar nga vendlindja.
Këtë ide dhe tekst, Mimoza ia ka treguar producentit gjatë finalizimit të këngës – konkretisht Koolt Music – ndërsa videoja është realizuar bukur nga kameramani i njohur shkodran, Maison Kavaja, me regji nga vetë bashkëshortja e tij.
Nëse dëshironi të dëgjoni një këngë të stinës, por me një stil ndryshe dhe mbi të gjitha me një temë vërtet prekëse, mund ta ndiqni në linkun më poshtë.
Burimi: botasot.info
