Ajo është një artiste e dekadave, e cila, pavarësisht ndryshimeve të rrymave të reja muzikore që prekën shumë këngëtarë, mbetet te tabani, te folklori, pasi e dashuron atë dhe zëri i saj ka lindur për të.
E kemi fjalën për artisten Hajrije Preniqi Gashi, e cila, pas baladës së Gurbetit, ka ardhur me një këngë tjetër festive, para festave të Nëntorit dhe Vitit të Ri që po troket.
Ajo vjen si një Fatime Sokoli e dytë, ku, krah tingullit të çiftelisë, ulur para një sofre shqiptare, ia thotë bukur këngës që mban titullin “Asnjëherë s’jam ba pishman”.
Artistja e njohur, e cila këndoi këngë me tematikë të tillë atëherë kur rrallëkush guxonte, ka dashur ta sjellë me zërin e saj këtë këngë shumë të vjetër shqiptare, duke na treguar se di ta ruajë dashurinë për atdheun përmes folklorit.
Këngëtarja, njëkohësisht, është mjaft e kërkuar kudo falë repertorit të saj, ndërsa në Festën e Flamurit ajo do të këndojë për shqiptarët në Amersfoort të Holandës, më 28 Nëntor.
Ne ju ftojmë që ta klikoni dhe ta dëgjoni këngën e saj më të re në linkun më poshtë dhe do ta doni edhe më shumë atdheun, pavarësisht se ku jetoni.
Burimi: botasot.info
