Korporata Energjetike e Kosovës ka publikuar më 8 dhjetor 2025 fazën e parakualifikimit për ndërtimin e një projekti fotovoltaik me kapacitet minimal prej 100 MW, si pjesë e strategjisë për tranzicion energjetik dhe shfrytëzim të tokave të degraduara, raporton KosovaPress.
Projekti parashikon një kapacitet DC prej 130 MWp dhe kapacitet AC minimal prej 100 MW, me strukturë fikse, ndërsa do të realizohet në një sipërfaqe prej 158 hektarësh në ish-depon e hirit.
Lidhja në rrjet do të bëhet në nivelin 110 kV, në një distancë prej rreth 1.5 kilometrash nga lokacioni i projektit.
Buxheti total i projektit vlerësohet në 104 milionë euro, ku 30 për qind do të financohen përmes grantit të Bashkimit Evropian, ndërsa pjesa tjetër përmes dy kredive të buta.
Burimi: botasot.info
