Kryetari i komunës së Tetovës, Bilall Kasami, ka pritur një delegacion nga Republika e Turqisë, të udhëhequr nga deputetja Rukiye Toy dhe anëtarja e Komitetit Qendror Ekzekutiv të AK Partisë, Emine Çakır.
Në takim morën pjesë edhe deputetet Mimoza Musa dhe Kaltrina Beqiri. Palët diskutuan për mundësitë e thellimit të bashkëpunimit ndërmjet institucioneve të dy vendeve dhe për forcimin e lidhjeve miqësore mes Republikës së Maqedonisë së Veriut dhe Turqisë.
Kasami theksoi rëndësinë e marrëdhënieve tradicionale të miqësisë dhe bashkëpunimit me Turqinë, duke nënvizuar se këto kontakte kontribuojnë në zhvillimin e ndërsjellë dhe mirëkuptimin mes popujve.
Burimi: alfax.mk
