Kryetari i Komunës së Tetovës, Bilall Kasami, ka zhvilluar një takim me banorët e lagjes Migjeni, ku është folur për projektet e realizuara gjatë mandatit aktual si dhe për planet që e presin qytetin në katërvjeçarin e ardhshëm.
Kasami ka theksuar se prioritet i mandatit të dytë do të jetë hapja e bulevardit “Ilindenska” deri tek rrethrrotullimi i stadiumit, një arterie kyçe që do të zhbllokojë qarkullimin në Tetovë dhe do të lehtësojë jetën e qytetarëve.
“Punët e shumta dhe projektet e realizuara deri më tani janë garanci e përkrahjes së fuqishme që qytetarët po i japin qeverisjes lokale”, shkruan Kasani në facebook.
