Kasami: Në këto zgjedhje, Ali Ahmetin do ta çojmë në histori!

Në tubimin e mbajtur sonte në komunën e Zhelinës, njëri nga liderët e koalicionit VLEN dhe kandidati për Komunën e Tetovës, Bilall Kasami, mbajti një fjalim të fuqishëm drejtuar qytetarëve dhe mbështetësve të ndryshimit politik në vend.

Duke folur për nevojën e një epoke të re në politikën shqiptare, Kasami goditi ashpër kundërshtarët e tij politikë, duke përdorur një metaforë që ngjalli entuziazëm të madh në publik:

“Ata i ndrojnë emrat si thotë populli, ujku e ndron qimen po jo edhe tabiatin. Aliu është po ai që ka qenë, prandaj në këto zgjedhje janë ato që Aliun duhet ta çojnë në histori.”

Kasami theksoi se këto zgjedhje lokale janë më shumë se një garë politike — janë momenti i kthesës për t’i dhënë fund një periudhe të gjatë stagnimi dhe për ta hapur një faqe të re për shqiptarët në Maqedoninë e Veriut.

Sipas tij, Tetova dhe Zhelina po flasin me një zë të ri, duke kërkuar ndershmëri, zhvillim dhe përfaqësim të denjë.