Vrapçisht, 3 janar – Kryetari i komunës së Tetovës dhe njëri nga liderët e VLEN, Bilall Kasami në Konventën promovuese të kandidatit për Vrapçishtin, Zulhajrat Demiri uroi që komunave të suksesshme të cilat e bën ndryshimin, t’i bashkohet edhe Vrapçishti, sepse siç tha ai, “këtë e meriton ky vendbanim”.

“Jemi këtu për të përkrahur një kandidaturë të pavarur që arriti të bashkojë zemrat e rinisë së Vrapçishtit, zemrat e banorëve të Vrapçishtit dhe të ketë përkrahje edhe nga partitë e pushtetit dhe opozitës, prandaj Zulhajrati është fitues i këtyre zgjedhjeve”, tha Kasami.

Ai në fjalën e tij madje i dëshiroi Demirit, mirëseardhje në gjirin e kryetarëve të komunave të rajonit të Pollogut, ndërsa më 11 janar fitorja të festohet bashkë.

“Demiri do ta ketë përkrahjen e qeverisë dhe do të vjen ndryshimi dhe realizimi i projekteve ku do të përmirësohet jeta e qytetarëve këtu. Më 11 janar të festojmë bashkë fitoren”, tha mes tjerash Kasami.