Kandidati i Lëvizjes Vetëvendosje për kryetar të Obilqit, Halil Thaçi ka thënë se programi i tij bazohet në kërkesat dhe nevojat e qytetarëve e jo të operatorëve ekonomik, që siç ka thënë ai shpesh privilegjohen.
Ai ka thënë programi i tij bazohet në tri pika kryesore:zhvillimi, ambienti dhe shëndetësia, por ka thënë se nuk do të lihen anash arsimi dhe sektorët tjerë.
“Ky program i yni bazohet në kërkesat dhe nevojat e qytetarëve dhe jo të nevojat e kërkesat e operatorëve ekonomikë që privilegjohen vazhdimisht. Kjo platformë ka bazë në rend të parë mirëqenie dhe shëndetin e qytetarëve. Si urgjencë imediate është përfundimi i QKMF-së së Obiliqit”, ka thënë Thaçi në emisionin “InfoNata”.
Ai ka thënë se do të ketë investime edhe në trajtimin e ujrave të zeza, si dhe ka premtuar funksionalizimin e polit të ngrohjes qendrore.
“Ndërtimi i impiantit të ujërave të zeza në qytetin e Obliqit dhe në fshatin më të madh të tij, Milloshevë. Ndërtimin e oazës së gjelbër në qendër të kryeqytetit dhe mbjelljen e drunjve. Në qeverisjen tonë ngrohja e qytetet do të funksionalizohet tërësisht. Shkollë të re dhe katër çerdhe të reja në qytet”, ka thënë Thaçi.
Burimi: botasot.info
