​Kanadaja i dërgon Ukrainës 2.5 miliardë dollarë ndihmë

Kryeministri kanadez Mark Carney njoftoi sot një ndihmë shtesë ekonomike prej 2.5 miliardë dollarësh për Ukrainën.

Ndihma do ta ndihmojë Ukrainën të zhbllokojë burimet e Fondit Monetar Ndërkombëtar, tha Carney gjatë një takimi me presidentin ukrainas Volodymyr Zelensky, i cili iu drejtua shkurtimisht gazetarëve.

Zyra e Carney njoftoi dje se kryeministri kanadez diskutoi me Zelensky zhvillimet e fundit në bisedimet e paqes që synojnë t’i japin fund luftës së Rusisë në Ukrainë, raporton kp.

“Kryeministri riafirmoi angazhimin e Kanadasë ndaj Ukrainës përmes këtyre negociatave dhe theksoi nevojën për të vazhduar presionin ndaj Rusisë për të negociuar”, thuhet në deklaratë.