Kanadaja dhe Kina arritën të premten një marrëveshje për uljen e tarifave ndaj produkteve të njëra-tjetrës. Kryeministri kanadez Mark Carney e quajti këtë hap “historik”, edhe pse është vetëm një fazë fillestare, pasi do të lehtësojë tregtinë mes dy vendeve.
Një pjesë e marrëveshjes parashikon importimin e 49,000 makinave elektrike kineze me tarifa më të ulëta. Carney tha se kjo marrëveshje do të ndihmojë edhe bujqësinë dhe sektorin e energjisë. Për shembull, Kanadaja pret që Kina të ulet tarifat ndaj farave të kanolas nga 84% në 15% deri më 1 mars.
Gjithashtu, Kina do të heqë vizat për kanadezët që vizitojnë vendin. Të dy palët ranë dakord për bashkëpunim në energjinë e pastër dhe lëndët djegëse fosile, dhe do të rinisin bisedimet në nivel ministrash për të zgjeruar tregtinë e teknologjive të energjisë së pastër dhe karburanteve.
Kjo vizitë vjen pas një periudhe të tensionuar mes dy vendeve që nisi në 2018, kur Kanadaja arrestoi vajzën e themeluesit të kompanisë Huawei me kërkesë të SHBA-së, dhe Kina reagoi duke arrestuar dy kanadezë. Pas viteve me tarifa dhe akuzash për ndërhyrje në zgjedhje, Carney po përpiqet të rrisë bashkëpunimin ekonomik, veçanërisht pasi SHBA ka rritur tarifat ndaj eksporteve kanadeze.
Burimi: botasot.info
