Kryetari i Komunës së Kamenicës, Kadri Rahimaj, sërish ka apeluar për ndalimin e zjarreve, pasi situata atje mbetet alarmante edhe pas tre ditësh.
Rahimaj ka bërë të ditur se ekipet e zjarrfikësve po punojnë pandërprerë edhe gjatë orëve të vona të natës për të lokalizuar dhe shuar flakët që po përfshijnë sipërfaqe gjithnjë e më të mëdha.
Ai theksoi se shumë nga zonat e prekura janë tepër të vështira për t’u arritur me mjetet e punës.
Rahimaj u bëri thirrje të gjithë qytetarëve të tregojnë kujdes maksimal në natyrë dhe t’u shmangen veprimeve që mund të shkaktojnë zjarr.
Burimi: botasot.info
