Ish gjyqtari dhe ish nënkryetari i Gjykatës Kushtetuese të Republikës së Kosovës, aktualisht pjesë e Ministrisë së Jashtme, Kadri Kryeziu, ka thumbuar rëndë kandidatin e BDI-së për komunën e Çairit, Bujar Osmani, duke e quajtur atë politikan pa shtyllë dhe pa qëndrim.
“Nuk kam ndonjë respekt të veçantë për Bujar Osmanin si politikan, sepse më duket se është një nga ata që i thotë vetëm PO çdo gjëje që servojnë ndërkombëtarët. Kjo bindje mu përforcua edhe më shumë kur e pashë përkrahjen që paska marr nga Borreli i Spanjës. Po i njëjti Borrel që me 2008, kur ishte ministër i jashtëm i Spanjës, ishte i pari që i tha JO pavarësisë së Kosovës. Dhe po i njëjti Borrel që në vitin 2023 i futi sanksione Kosovës”, ka shkruar Kryeziu.
Sipas ish nënkryetarit të Gjykatës Kushtetuese të Kosovës, Kadri Kryeziu, komuna e Çairit nuk ka nevojë për servilë të huajsh, por për njerëz që dinë të thonë JO kur cënohen interesat e popullit.
